لعيون ساره تشرق الشمس وتغيب
.............نبض الحياة بخافقي من نظرها
بنت القصيد أخت النجوم المراقيب
.............وجه السنين المقبله وقمرها
كن أسمها عطر القلم والمكاتيب
.............لامن بدت فيه القصايد شهرها
من بعدها مالي جروح معاطيب
.............من بعدها عيني هجرها سهرها
هذا غلاها له بالاعماق تجليب
.............انشد وتلقا بالمحاني خبرها
هي مطلبي لاجيت اعد المطاليب
.............هي بسمة أيامي وعالي قدرها
بنت الرجال اللي بهم يفخر الطيب
.............أفعالهم حبر القلم ماحصرها
مادامها تشفق على القلب وتغيب
.............معذور لو قلبي وروحي مهرها
---------------------------------------------------------------------------------------------------------------------------
ساره ويبدى بالسما نـور بـراق
وتطفى بطاريهـا بقلبـى حرايـق
ساره وزهر الورد للورد ينسـاق
يـاوردةٍ تقتـل جميـع الحدايـق
ساره يا عطرٍ ما ورد كل الاسواق
سمي بنورة بـس والاسـم لايـق
ساره وشمس الشعر تبدى بالاشراق
وبحسنهـا فـن القصايـد وثايـق
أبديبهـا بالزيـن وألا بالاخـلاق
ياليتها فى جـوف قلبـى توايـق
يمشيلها قلبى قبل يمشـى السـاق
ولشوفهـا يسوقنـى دوم سـايـق
وشلون أفارقها وانا ميـت أفـراق
مأقوى مفارقها ولو هـى دقايـق
قولولها مشتاق أنا مـوت مشتـاق
الكون فى عينى من الحزن ضايق
حبل الوفا فى وصلها صار ميثاق
إلها بعيش العمـر مانـي ببايـق
أخفى دموعى لكن الدمـع حـراق
لا حل طاريهـا تبيـن الحقايـق
متشربٍ صدرى هواها بالاعمـاق
ولعطرها يأخذنـى القلـب تايـق
كتبتها بالاسم فى بيـض الاوراق
ولصدهـا كتبـت مانـى بطايـق
أقّبل حروف الاسامى ليـا ضـاق
صدرى ومنها يصبح الصدر رايق
ساره وباقى البيض بألفين طقـاق
فـدوة لعينيهـا جميـع الخلايـق
