ااحلا االبنااات-A7la Girls
هل تريد التفاعل مع هذه المساهمة؟ كل ما عليك هو إنشاء حساب جديد ببضع خطوات أو تسجيل الدخول للمتابعة.

ااحلا االبنااات-A7la Girls

لا تنسيين تسجليين في منتداانااا ترااج بتورييناا ^_^
 
الرئيسيةأحدث الصورالتسجيلدخول

 

 رواية-لو يموت الشوق-قصه حب عنيفه وجريئه بين ينوته وبويه-الجزءالرابع

اذهب الى الأسفل 
2 مشترك
كاتب الموضوعرسالة
Bnt_Na9r
Admin
Bnt_Na9r


المساهمات : 83
تاريخ التسجيل : 18/01/2012
العمر : 30
الموقع : Д7ĻÃ ğĺяĿŝ

رواية-لو يموت الشوق-قصه حب عنيفه وجريئه بين ينوته وبويه-الجزءالرابع Empty
مُساهمةموضوع: رواية-لو يموت الشوق-قصه حب عنيفه وجريئه بين ينوته وبويه-الجزءالرابع   رواية-لو يموت الشوق-قصه حب عنيفه وجريئه بين ينوته وبويه-الجزءالرابع Emptyالجمعة يناير 20, 2012 7:24 am

الجزء الرابع


كانت جدامها .. شعاع ... فز قلبها .. وطار من مكانه ... حطيت يدها ع قلبها لا يطلع من صدرها لما شاف شعاع .. حست باندفاع الدم بعروقها .. وكانه ينعش جسمها بعد موته .. اشرق وييها باتسامه عريضة وعيونها تتعلق بشعاع ...
بس الصدمه .. انها مالقت نفس الحماس بعيون شعاع .. اللي اول ماتلاقت عيونها بعيون نور .. شافت فيها برود قاتل .. عدم اهتمام .. طالعت نور بدون اكتراث .. وعطت اهتمامها للبنوتة اللي معاها .. وهي نفس البنوتة اللي صاحبة حفلة عيد الميلاد ...
تجاهلت نور وابتسامه نور وشوق نور .. ودخلت الحمام مع البنوتة الحلوة وهي لافة ايدها على خصرها .. تاركة نور واقفة عند باب الحمام كأنها صنم ..
يرتها حصة برا الحمام ونور منصدمة والالم بعيونها بعد ماختفى الشوق ..
حصة ترقع : يمكن ماعرفتج !!!
نور : ........................
حصة : ويمكن مانتبهت لج ماتدرين شو عذرها !!
نور : ........................
حصة : خلاص نور خلينا نروح نقعد !!
نور بتحدي : لاااااااااا !!!!!!!!!!! تعالي معاي .. مو انا اللي تطقع لي جي وبسهولة ..
حصة : شبتسوين !!!
نور : والله افشلها مثل مافشلتني لما ابتسمت !!
حصة لا تهورين !!!
نور تيير حصة ويدشون الحمام مره ثانية ... كانت البنوته تعدل ميك ابها وشعاع واقفه معاها مسندة كتفها عالطوفه وتطالع البنوته من المنظرة وهي شاكته ومبتسمة ابتسامتها الجانبية ...
مااقواها شعاع اللي مابينت اي مفاجأه ونور تدخل الحمام وتوها طالعه منه وهي تعرف ان اكيد لها غرض .. او اللي تبين قمة البرود وتتجاهل شخص متاكده انه يعرفها وبكل برود دم ..
دخلت نور وهي متجاهلة وجود الثنتين .. وفصخت عبايتها وشيلتها متعمده .. لانها كانت لابسة بمودا ضيقة حدها تبرز مؤخرتها بشكل مثير ... وبدي احمر مفتوح من عند الصدر يبرز صدرها بشكل يخطف الانفاس ... انتبهت بالمنظرة لنظرات شعاع اللي بتاكل جسمها وهي تعظ شفتها التحتية .. والبنوته ولا دارية عن الدنيا ... فتحت نور شنطتها وطلعت روج احمر ودنعت على المنظرة وهي ترسم شفايفها بكل اغراء .. وانتبهت هالمره بعد لشعاع وهي تبلع ريجها ..
وهي مدنعه ارتفع البدي شوي وبينت خيوط ( الجي سترينج ) الاحمر اللي لابسته .. صدت شعاع بويها الصوب الثاني وهي تمسك ابتسامتها وكأنها فهمت حركات نور ...
التفتت نور على حصة وهي تقول بصوت كله نعومة ورقه : حصة سكري ستياني شكله تبطل !!! وهي تلف ظهرها لحصة وتوخر شعرها وترفعه ع فوق وهي تطالع شعاع بتحدي ..
دخلت شعاع ايدها في شعرها وهي تحركه ع ورا وتلتفت بجسمها لوراء وكانها خلاص مو قادرة تتحمل حركات نور ...
التفتت عليها البنوتة وطالعت في نور من فوق لي تحت ... غصت نور شكلها فهمت حركاتها وانها تبي تبوق بويتها .. بس البنوته قالت : انا شايفتج من قبل !!! مو انتي اللي ييتي عيد ميلادي !!
ارتاحت نور وردت عليها : اي حبيبتي .. وايد كانت حلوة حفلتج بس للاسف اضطريت اطلع في مشوار سخــيـــــــــــــــــــــف حده مع شخص دمه ثقيــــــــــــــــــــل حده .... وسخيـــــــــف
طالعتها شعاع بمفاجأه وصدت بسرعة وهي تمسك عمرها ماتضحك ... كانت شعاع فاهمه حركات نور .. وفاهمه استفزاوها لها ...
البنوته بسذاجه : مو شمكله حبيبتي .. خيرها بغيرها ... وكملت كلامها لشعاع : يالله حبيبي انا خلصت !!!!
طلعت شعاع و البنوته اللي معاها .. فتحت لها شعاع الباب .. و اول ماطلعت البنوته التفتت شعاع على نور وعطتها نظرة قوية وهي ترفع حاجب واحد وع شفايفها ابتسامه جانبية كلها غموض .. ما عرفت نور شكانت تقصد شعاع بهالنظرة و الابتسامة هل كانت تحذير .. هل كانت رد ع كلمة شخص دمه ثقيل وكانها تتحداها ان اللي قالته كله كذب ...


التفتت حصة ع نور : شفتي النظرة !!! يمه منها شكلها فاهمه كل شي !!!!
نور بحره : بس انا قهرتها !!!!
وهما طالعين نور تقول : شفتي الزقة اللي معاها يوم تقولها حبيبي .. تهقين شابكين !!!
حصة بثقه : مالقيتي الا شعاع تشبك .. يبه ذي لعابة ع مستوى .. كل يوم حد !!!
نور : وانا كنت حد بعد ذيج الليله .. انا منقهره ع عمري ليش نزلت نفسي لها !!!
رجعوا ع طاولتهم .. ونور تراقب شعاع من تحت لتحت وشعاع حدها مندمجه مع البنوته وتضحك معاها ... انتبهت شعاع لنظرات نور ... كانت البنوتة تكلم شعاع بس شعاع كانت عيونها على نور .. طالعت نور وعظت شفتها اللي تحت ...
نور تطالع ربعها بضعف : انا بطلع خلاص .. مافيني اتحمل اكثر !!!
حصة : نطري انا جايه معاج !!!
وفي اللحظة اللي وقفت فيها نور وحصة ، وقفت فيها شعاع و البنوتة اللي معاها .. ويبدو انهم راح يروحون بطريجين مختلفين بس بيلتقون بالنص .. نور في قلبها تتالم شهالصدفة .. وليش لازم التقي فيها ويه لويه .. كانت تمشي مع حصة بسرعه وشعاع والبنوته جايين ناحيتهم ... شعاع لافه يدها ع خصر البنوتة اللي تكلم شعاع وهي في قمة السعادة ... وشعاع تطالع فيها وكانها تحاول تتجنب تطالع نور .. اللي كانت بعد تطالع بالارض عشان ماتطالع في شعاع ...
بس اول ما مروا جنب بعض .. في لحظة مرورهم جنب بعض ، وبحركه سريعه مافي احد بالجامعة انتبه لها ... مسكت شعاع يد نور وهي ماره من جنبها وحطت فيها ورقة صغيره .. وعدت تمشي وهي لافه يدها الثانية على خصر البنوته ولا كأن شي صار .. ولا كأنها سوت شي ..
وقفت نور فجأه والتفتت ع شعاع .. اللي كانت تمشي بكل ثقة بدون ما تلتفت او تشوف اثر فعلتها .. ورد فعل نور .. وكأنها متأكده ان نور بتستغل هالفرصة اكيد ....
- حصة باستغراب : شفيج !!! ليش وقفتي !!!
- نور تمد يدها لحصة وهي مذهولة وترويها ورقه صفرا صغيره بيدها ...
- حصه باستغراب : شنو ذي !!
- نور باستغراب اكثر : شعاع حطتها في ايدي وهي ماره ..
- حصة اللي باثارة : واو .. افتحيها بليز خلينا نشوف شفيها !!!!
فتحتها نور بحماس وكانت المفاجأه ... شعاع كاتبة بالورقة رقم تلفون وموقعه باسم ( الشخص السخيف )
نور بمفاجأه : تهقين رقم منو ذي !!!
حصة وهي تبتسم : بعد من ؟؟؟ الشخص السخيف !!! مو انتي سميتيها جي !!!
نور وهي تنقز من الفرحة : هذا رقمها !!!! شعاع رقمتني ... .ماصدق !!!
حصة وهي تضحك : عقب فلم السكس اللي سويتيه لها بالحمام ماتنلام شكلها راحت فيها !!!
نور كانت في قمة سعادتها وهي تطالع رقم شعاع المميز في الورقة .. هذا اكبر دليل انها تبيني .. تبي تكلمني .. اكيد تبي تضبط معاي .. كانت ريحة عطر شعاع الرجالي بالورقة .. ظلت نور طول الليل تطالع بالرقم وتشم الورقة ... بس مافكرت تتصل ابد ...اكيد شعاع متوقعه اني ماراح اصدق خبر وبدق عليها واترجاها تعطيني ويه .. بس ماراح اتصل ولا بعطيها ويه ولا بهتم .. وبقهرها مثل ماقهرتني .. مو لما تبيني اتيي ولما تشبع تطقع لي .. انا اللي بطقع لج يا شعاع ..
بس وايد حلوة الحركه .. ووايد ايدها خفيفة وسريعه شكلها متعودة ترقم .. بس صج عندها برود دوم مو طبيعي .. ولا البنت وياها وهي ترقم وحده ثانيه ... شهالانسانه ...


بالجامعة ثاني يوم ...


- نور : واااي تعبانه امس مانمت !!!
- حصة بلؤم : ماتنلامين شكلج رضعتي التلفون عدل !!!
- نور تطالعها بتحدي : انا قلت لج مابعطيها ويه .. وماعطيتها !!!
- منى : تلاقينها قلبها يتقطع وهي تطالع الرقم !!!
- نور تضحك : شدراج اني اشم الورقه طول الليل .. زهقتها ههههههههههههه
- حصة وهي تسكتهم : احم احم .. حبيبتج وصلت !!!!
التفتت نور اللي فز قلبها لما قالوا لها ( حبيبتج وصلت ) دخلت شعاع ستاربكس مع ربعها .. وقفت طالعت الجميع بنظرة عامة من فوق وشكلها جنها متملله .. ومنقرفة من الكل .. مشت طاولتها وقعدت وهي ليحين مغطية عيونها بنظارتها السوداء اللي رفعتها ع شعرها اول ماقعدت .. اسرعت موظفة ستاربكس كالعادة عند طاولتها وقدمت لها قهوتها المعتادة مع الجريدة ... ربعها كانوا يكلمونها بس ماكانت معطه حد ويه وهي تقرا وتشرب القهوة ... كانت نور تتاملها وهي تفكر ..ياربي شكان شعور شعاع لما مادقيت امس ... اكيد كانت تنطرني وكلها امل بليله رومانسية اعبر فيها عن حبي لها واني هيمانه فيها ... كانت نور تطالعها وعلى شفايفها باتسامة المنتصر .
طرشت لها نور مسج كتبت فيه :
( اتمنى ماتكونين انتظرتيني وايد .. سوري مادقيت بس كان عندي ظرف .. نور )
كانت نور تتامل شعاع اللي وصلها المسج .. وتركت الجريدة وهي تفتح المسج وتقراه وهي عاقده حواجبها ... رفعت عيونها و التقت عيونها بعيون نور و حطت شعاع الجوال على الطاولة وكملت تقرا الجريدة بكل برود .. وبدون متكلف نفسها حتى ترد عليها .. ارتفع ضغط نور .. تطقع لي وجدام عيوني ... راحت ارسلت لها مسج ثاني كتبت فيه :
( شكلج زعلتي علي صح !!! )
مسكت جوالها مره ثانيه وقرت المسج .. وهالمره ردت عليها ...
فتحت نور المسج بسرعه ولقت شعاع كاتبة لها ..
( لو دقيتي كنتي بتلاقين تلفوني مسكر .. فما اعرف دقيتي او لا )
رفعت نور عيونها وهي محترة حدها ... واضطرت تصنع ابتسامة على ويها ..


- ساااااااااااره !!! قالت حصة باستغراب ...
التفتت نور بسرعه .. وشافت ساره داخله ستاربكس .. ومشت بهدوء وقعدت ع طاولة وسط الطاولات وبدون ما يلحظ احد وجودها .. كانت هذي هي المره الاولى اللي تشوف فيها ساره عقب اللي صار .. تحركت في قلبها مشاعر غريبة .. تمت تطالعها .. بكل حب .. خاطرها تكلمها .. خاطرها تعاتبها ...
التفتت على شعاع لقت شعاع تطالعها بنظرة حادة .. وكانها تعاتبها على تفكيرها وضعفها لما شافت ساره ... طالعت سارة وطالعت شعاع ... وكانها تقول لها : ابي اروح لها ..
فطالعت شعاع سارة وطالعت نور واشرت لها براسها وهي تطالعها وكأنها تقول لها : لا !! تحملي تروحين !!!!
حبت نور هالشعور .. انها تستغل سارة عشان تثير غيره شعاع ... وفي نفس الوقت فرصتها ان ريم الحقيرة مو معاها يمكن لو كلمتها بهدوء او شافتها تحن لها ...
وقفت نور وراحت لسارة وهي غير مهتمة بنظرات شعاع اللي حرقتها او نصايح ربعها ...
- مرحبا !!! قالت نور بصوت واطي وهي تكلم سارة !!
- رفعت سارة راسها : انتي ؟؟؟؟؟؟ شتبين !!! قالت هالجملة وهي تتلفت حواليها ..
- نور وهي تترجى سارة : بليز !! سارة .. احنا لازم نتكلم !!!
- سارة بعجرفة : نتكلم في شنو !! انتي ماتفهمين .. اللي بينا انتهى !!
- نور بالم : اللي بينا شي كبير ياسارة شلون ينتهي بالسهولة .... بينا عشرة سنين .. هانت عليج بالبساطة ...
- سارة بملل : واللي يرحم والديج عن قطة الوية روحي بسرعه قبل ماتوصل حبيبتي !!!
- وبالفعل وصلت ريم اللي قالت بقرف : هذي شتبي !! شجايبها !!!
- نور : كلي تبن انتي وخلج ساكته !!!
- سارة بعصبية : نور مااسمح لج تكلمين حبيبتي بهالاسلوب !!!
- الله يالدنيا صارت حبيبتك .. وصرت انا الغريبة !!! قالت نور وهي تضحك بالم ..
قطع كلامهم شخص كان يمشي باتجاهم .. خلا عيون ريم وسارة تتعلق فيه وهو يقرب منهم ويسكتون وكانهم يترقبون شللي بيصير .. ونور مو منتبهه ..
هالشخص مسك نور من كتوفها ولفها عليه برقه .. لقت نور نفسها فجاه جدام شعاع اللي كانت ماسكتها من كتوفها وتطالع في عيونها بمنتهى الرقة وهي تحط اصبعها على شفايف نور وتنزلها على رقبتها ببطء لحد ماوصلت عند صدرها وهي تقولها بحب : انا .... كم مره .. قلت لج .. يا بعد قلبي .. اني اغار عليج .. امووت غيره عليج .. فلا تبطلين هالازرار ..
كانت شعاع تكلمها وهي تسكر ازرار عبايتها اللي كان مفتوح ويكشف جزء من صدرها .. كانت تتكلم ببطء وحب وعيونها بتاكل نور اكل .. وتحرك اصبعها ونور تحس الدم يفور من جسمها مع حركة اصبع شعاع ... انصدمت سارة و انصدمت ريم لكن صدمة نور كانت اكبر صدمة فيهم .. كانت تطالع شعاع وعيونها بتنقز من مكانها ...
سارة اللي ماقدرت تخفي حرتها : شكلج ماتضيعين وقت !!!
انقهرت نور .. انا اللي مااضيع وقت .. بس ماردت عليها لان شعاع بردت قلبها لما التفتت على سارة ببرود وطالعتها بقرف من فوق لتحت وكلمت نور وهي تطالع سارة وتقول : من ذي المصرية ؟!!!!
كان هالموضوع نقطة ضعف سارة .. زر الانفجار عندها .. كانت تحس بالاحراج لو عرف احد ان امها مصرية وتحاول تخفي هالشي قد ماتقدر ...
قالت سارة بحره وبانفعال : انا قطرية !!!!
ردت عليه شعاع وهي ليحين ماسكة نور من كتوفها وتطالعها بنص عين وتكلمها بكل برود : اي صح !!! انجعمي بس لا اسفرج بلادج !!!
صار ويه سارة احمر .. الا عنابي .. وحست عيونها صارت حمر وكانها تبي تصيح .. فعلا كسرت خاطرها .. خذت سارة اغراضها وهي تبي تطلع بسرعه من المكان ..
بس وقفتها نور بسرعه وهي تقول لهم : لحظة .. كنت ابي اعزمج ع خطوبتي انا وشعاع الخميس الياي .. بس ماعطيتيني فرصة !!!
طالعتها سارة بصدمه .. وعرفت بشنو نور بدلتها ... وعرفت ان غيابها ماراح يفرق مع نور اللي عندها شعاع العالي ... وعرفت انها هي اللي خسرت ولا شبيخلي شعاع العالي تشبك معاها .. لا و مو اي تشبيك .. الا خطوبة وبشكل رسمي !!!
مالتفتت نور على شعاع تشوف ردة فعلها .. اللي كانت تتوقعه اصلا ...
كان المكان في ستاربكس في قمة الهدوء اثناء المناقشة .. مناقشة سارة ونور وريم وشعاع ... الكل ساكت ويطالع ويسمع .. وشلون لا وشعاع طرف فيها ... والكل سمع نور بكل وضوح وهي تعلن خطوبتها هي وشعاع .. واللي ياكد هالشي شعاع اللي ماسكة كتوف نور بيدينها ...
وفي لحظة الصمت هذي بين الاطراف الاربعة ... انطلق تصفيق حار من كل بنات الجامعة الي موجودين في ستاربكس .. واللي يصفر ..
لان هالخبر هو خبر الموسم .. ( شعاع العالي واخيرا .... تشبك ) الكل قام والتف حوالي شعاع ونور .. الكل يهني ويبارك ... وشعاع ماسكة يد نور ..
كانت نور مذهولة .. وماتوقعت كذبتها البيضا هذي اللي قالتها بدون تفكير عشان تثير غيرة سارة ممكن تقلب بهالجدية ... كانت مرتبكة وايد وويها صاير احمر ...
ماكانت اكيد تعرف ردة فعل شعاع لانها ماكان عندها الجرأه انها تطالع فيها بس عرفت شعورها لما حست بايدها وهي تضغط على اصابعها بكل قوه وكأنها تبي تكسرها من القهر ...
شلون ممكن يتراجعون .. ومن ممكن يصدق انها كلمة انقالت في لحظة وبدون حساب ... حتى ربع شعاع تفاجأوا من الموضوع وجاوا حق شعاع يسلمون عليها ويهنونها وهم يلومونها انها اخفت عنهم هالامر المهم .. ويلتفتون ع نور ويبتسمون لها ويباركون واللي تغمز لنور وتقولها : زين سويتي فيها !! وااللي تعلق على شكل نور وهي تقول : فيري كيووت !!! وشعاع تغصب عمرها انها تبتسم وهي تفكر شلون ممكن تطلع من هالورطة ...
استاذنت شعاع وهي ماسكة يد نور واتييرها بسرعة معاها .. كانت تمشي بسرعة لدرجه ان نور كانت حاسة انها تطير بالهوا مو تمشي ... الله يستر .. الله يستر ... الله يستر ..
قرت نور القرآن كله وهي رايحه مع شعاع ... وايد كانت خايفة من ردة فعلها ... دخلت شعاع الحمام وهي تأشر للعاملة ماتخلي احد يدخل ..
و اول مادخلوا دزتها شعاع بقووة جدامهاا حست نور في هاللحظة انها طارت بالسماء وطاحت ...
كانت شعاع وايد معصبة .. وقفت تطالع نور بحده وهي تكتف ايدينها بدون ماتقول ولا كلمة .. نظرتها وصمتها كان له تاثير الف كلمة ... كانت نور ترتعش وهي تطالعها وقلبها يدق بسرعه .. وبحركه غريزية رفعت ايدينها عند شفايفها تاكل في اظافرها ... تحجي خلصي مت خوف ..
شعاع بغضب : انتي شسويتي !!! ينيتي ..!!! شهالمهزلة اللي سويتيها برا !!!
نور تبي تدافع عن نفسها بس اول مابطلت شفايفها تبي تتكلم صرخت عليها شعاع بحده : انجعمي !!! مابي اسمع صوتج مره ثانية ... من وين طلعتي لي انتي !!! وشلون تجرأتي تسوين اللي سويتيه !! انا شعاع العالي اشبك معاج انتي !!! يعني اصوم اصوم وافطر على بصلة ..
نور اللي تحركت كرامتها بطلت عيونها وحطت يدها ع خصرها وتبي تتحجى صرخت عليها شعاع : قلت لج انجعمي !!! نزلت نور يدها وطالعت بالارض وشعاع تكمل : شلون تدخليني بلعبتج القذرة مع بنت المصرية .. انا شكوو تستغليني !!!
نور تأشر بيدها وكأنها تستأذن انها تتكلم .. فصرخت عليها شعاع : انجعمي قلت لج !! انتي ليحين عندج كلام تقولينه !! ما انتي قلتي وخلصتي و الكل صفق لج !!! والمشكلة اني مهما سويت محد بيصدق اني مالي علاقة فيج ... بس مو مشكله يا نور ... تبين نلعب .. بنلعب ... بس صدقيني ماراح اطلع خسرانه في هاللعبة وماراح تستغليني عشان ترجعين حبيبتج .. انا اللي بستغل هالعلاقة وبستغلها صح ...
نور رفعت راسها وقالت باستغراب : شتقصدين يعني ... !!!!
وبحركة سريعة .. مسكت شعاع نور من شعرها ودزتها على حافة المغسلة وركبت عليها من ورا .. كانت نور منحنية على المغسلة .. وتطالع عمرها بالمنظرة .. وشعاع لاصقة فيها من ورا ومنحنية فوقها وتطالع فيها بالمنظرة ... كان صدر شعاع ع ظهر نور .. وايد شعاع لافتها بقوووة ع بطن نور اللي رصته عليها . ، شعر جسمها وقف .. جسمها كله كش عليها .. ْ جرأتها .. جسمها .. حظنها .. لمساتها هذي ريال .. وشعاع تضغط عليها.. وكأنها تحذرها من المصيبة اللي طيحت نفسها فيها بدون وعي منها .. كانت نور تحاول تقاوم وهي تصارخ .. وشعاع ماسكتها من شعرها وتطالع فيها بالمنظرة وتقول لها بنظرة كلها تهديد : تبين تلعبين مع شعاع العالي .. تحملي يا شاطرة !!!
وتركتها وطلعت من الحمام .. طاحت نور عالارض وهي منصدمة .. هذي بنت !!! مستحيل تكون بنت ... غريبة .. شقد حلو .. شعور البنت ان فيه احد اقوى منها .. وشقد حلو الشعور ان في احد يغصبها .. حطت نور يدها ع جسمها وهي تتحسس لمسات شعاع ع جسمها ... يا ربي ريال .. والله ريال ... .. حتى جسمها مو جسم بنيه .. مالها صدر بالمره وكأنها شافطته .. عظت ع شفايفها وهي تتذكر شعورها.. وحست بشعور غريب .. شعور بالرغبة .. ااااه يا شعاع .. توني بتمسك فيج اكثر ...
طلعت من الحمام بعد ما ضبطت شكلها وراحت لربعها اللي قاموا بسرعه يلمون عليها ويباركون لها ومو مصدقين : - يا حمارة وخاشه علينا .. واحنا عبالنا انج رفيجتنا !!!
- نور تضحك : شعاع كانت تبيه مفاجأه !!!
- حصة : نور مو تنسين ربعج عقب العز ههههههههه
- نور : ماعرفكم من احين هههههههههههه


مع ربعها ... بالمحاضرات .. بالسيارة ... بالبيت .. مع اهلها .... وهي تطالع التلفزيون ... وهي تبي تنام في فراشها .. مو قادرة تشيل شعور اللذه اللي حست فيه في ذيج اللحظة مع شعاع ...
تحسه ليحين فيها ويبي يخترقها ...
.................................................. ..........................


تمت نور طول الليل تطرش مسجات لشعاع اعتذار و اشعار وكلام بس شعاع ولا معبرتها ...
ياربي ذي شفيها .. يا رب ماتكون غيرت رايها .. انا راضيه بكل اللي تسويه بس اكون معاها ..
من بني المسجات ( شين بليز .. والله مو قصدي )
( شين تكفين ردي علي .. انا قطيتها كلمة مو حاسبة حسابها .. ماتوقعت احد يسمعنا )
( شين طيب انتي ليه زعلانه .. يعني شخسرانه .. كلها لعبة .. )
( انتي ماقلتي انج خاطرج تنتقمين من سارة وريم .. طيب هذي احسن فرصة لنا .. )


بالجامعه في اليوم الثاني صارت تحس انها سوبر ستار .. وهي تمشي الكل يلتفت عليها ويطالعها .. الكل يطالعها ويتكلم .. يهمسون حق بعض .. الكل يأشر عليها ... حتى لما قعدت في ستاربكس اسرعت العاملة وجاتها تاخذ طلباتها وطلبات ربعها .. وهي حدها مستغربه شصار في الدنيا .. الكل صار يمر يسلم عليها .. يضحك معاها .. ناس ماتعرفهم .. الكل تغيرت معاملته لها .. قبل تمشي محد يدري عنها .. توقف ساعه بالدور عند ستاربكس لا ومطنشتها العاملة .. حتى لما جات تدفع الحساب ابتسمت العاملة ومارضت تاخذ شي ...
حصة التفتت عليها وهي مذهولة : نور ترى انا رفيجتج لا تنسين !!!
ضحكت نور : صج !!! امممم ذكريني باسمج الشيخه !!!
حصة : اه يالجلبة .. يا حديثه النعمة ترى ماامداج !!!


كانت نور بعالم ثاني .. شعاع مابينت اليوم .. وماتعرف شنو ردها .. شقررت عليه ... الكل يسال نور عن شعاع وهي ماخلت كذبه ماقالتها ..


- لو سمحتي !!!
سمعت نور صوت رجالي يكلمها من وراها .. فالتفتت بسرعة وراها .. كانت تكلمها بووية مثل القمر .. وقمة الاناقة و الكشخه .. ردت الروح في نور لما شافتها .. هذي رفيجة شعاع مريم ..
- نور اللي تتكلم برقة ونعومة : هلا !!!
- مريم : ممكن اتيين معاي !!!
- نور باستغراب : ليش !!! ووين بنروح !!!
- ابتسمت مريم : ماراح اخطفج تعالي معاي شوي !!!
التفتت نور ع حصة وقالت باذنها : شوفي لو اختفيت اعرفي ان شعاع خاطفتني ترى ذي رفيجتها مريم ..
وراحت مع مريم وهي تحس بريبة فالموضوع .. شتبي فيها مريم .. ووين ماخذتها .. معقول شعاع ناوية تنتقم منها عاللي سوته !!!
نور بريبة : احنا وين رايحين !!!
مريم : شفيج .. ليش خايفه !!!
نور : احنا رايحين مواقف السيارات !!!
البوية بابتسامة : اي !!
نور : ليش ؟؟؟؟
البوية بدون ماتطالع نور : شعاع تنطرج في سيارتها !!!
نور بريبة : وشعاع ليش مطرشتج ليش مادقت لي !!!
تبتسم البوية : شدراني عنكم !! طلبت مني اييبج وبس ...
نور : طيب ليش ..
قاطعتها مريم : اذا عندج شي قولي لها احين !!!


كانت شعاع قاعده بسيارتها بالمواقف .. وقفت نور وهي تحس بالذهول من فخامة سيارة شعاع
( البوغاتي 2010 ) كانت شعاع تدخن بالسيارة وهي تتعبث بسي ديات لما فتحت مريم باب السيارة لنور .. التفتت لها شعاع وابتسمت لها بحب وهي تقول لها : هلا بقلبي !! هلا بروحي !!!
استحت نور وركبت جنب شعاع وهي ترد بخجل : هلا حبيبي !!!
- فديت الحب والله صج يسوي المعجزات ... !!!! قالت مريم وهي تسكر باب السيارة ...
- شغلت شعاع السيارة وانطلقت مثل السهم ...
- نور وهي تلتفت ع شعاع : شعنده اليوم اللي رايق !!!
- شعاع تعطيها نظرة وماترد عليها !!!
- ممكن اعرف ليش مطقع لي امس !! عالاقل ذوقيا رد .. خليتني احس بتانيب الضمير طول الليل !!!
- شعاع تبتسم وهي تطالع الطريق وتدخن وماترد !!!
- طيب احنا وين رايحين احين !!!
- شعاع بعد ماترد !!!
- نور بنفاذ اعصاب : لو اكلم ابو الهول جان زهق ورد !!!
- انطلقت ضحكة عالية من شعاع على تعليق نور بس بعد ماردت .. الا شغلت المسجل وعلت الصوت عشان ما اتحجى نور ...
استمرت شعاع بالقيادة لحد ماوصلت بيتها .. وقفت السيارة جدام المدخل .. سكرت المسجل و التفتت ع نور وقالت لها : ربعي كلهم داخل ومعاهم حابيبهم .. الكل متحمس حق الخطوبة ويبي يجهز معانا .. وفي مندوبين من ماركات عالمية جايبين معاهم بضايعهم .. اختاري اللي تبينه .. بس بليز خلج ثقيله وماله داعي تنفعلين ويعجبج اي شي تشوفينه .. مثلي انج شايفه خير
نور بمفاجأه : مبرووووو ك !!!
شعاع باستغراب وبجدية : على شنو !!!
نور بحره : انج تحجيتي اخيرا !!!
شعاع تجاهلت ملاحظتها وكملت بجدية : اتمنى تمثلين دورج عدل .. !!!
نور شايله شنطتها ال في تبي تنزل .. بس شعاع وقفتها بسرعه : اتركي شنطتج بالسيارة !!!
نور باستغراب : ليش !!!
شعاع وهي تمط شفايفها : ماله داعي يشوفون حبيبتي ماسكة شنطة تقليد !!!
نور اللي حست بماي بارد انكت على راسها .. هذي شدراها هذي نخب اول .. قالت تجمع باقي كرامتها : من قالج !! صج ماتعرفين بالماركات !!!
ابتسمت شعاع ابتسامتها الجانبية وماعلقت .. وكانها رحمتها من الاحراج اللي حست فيه ...


لفت شعاع يدها يدها ع خصر نور .. وخذتها معاها داخل القصر .. بسرعة استقبلتهم خدامتين .. وحده فصخت شعاع جاكيتها ... ووحده فصخت نور عبايتها وخذت شيلتها ...


دخلوا قاعة كبيرة مع بعض كان فيها مراية كبيرة على قد الطوفة اعطت القاعة اتساع اكبر وعلى الجوانب ستاير مالية الطوفه نازلة من السقف لين الارض وبالنص طاولة طويلة .. كانوا قاعدين عليها شلة شعاع اللي جدامهم كتالوجات مفتوحة ومنثرة على كبر الطاولة .. وفي جوانب القاعة كراسي .. كل كرسيين بينهم طاولة صغيره وكانت عليها مجموعه ملابس و اشخاص اجانب و لبنانيين قاعدين يتناقشون ..
اول مادخلوا الكل قام يصفق ويرحب فيهم ويهنيهم على هالخطوة الجريئة .. قاموا ربعها ومعاها بنات مثل الاقمار يسلمون على نور ويتعرفون عليها ..
جات بوية حلوة وايد شعرها وايد قصير جنه شعر ولد اسود حده ووايد حلوة وطويلة وايد وضعيفه عرفتها شعاع عليها : هذا سام ومعاه الحب فرح ... وهذا شوش ومعاه القمر رانيا .. ( شوش كانت طويلة وبيضا وشعرها قصير لي رقبتها مقصقص بشكل غريب ولونه اشقر وايد .. ) كملت شعاع : وهذا ام جي و الحب ريمان ..( وام جي بعد بنفس الاجسام بس شعرها طويل لين كتوفها ومقصقص ومصبوغ خصل فيه بلون كحلي .. ) واخيرا اكيد تعرفين مودي والحب هديل !!
استقبلتهم وحده طويلة بجسم رشيق وشعر اشقر مسرح بشكل خيال وتكلمت بلهجه لبنانية : وانا ماراح تعرفها فيني !!! ابتسمت لها شعاع وقالت لنور : اكيد ماراح انسى مدام كارول .. راح تكون مسؤولة عن تجهيز الحفل .. واناقتج الشخصية ..
مدام كارول وهي تحاول تحصل على رضى شعاع وهي تتملق نور : يخزي العين شو حلوة ، متل الأمر .. انا تكدت هلا انو شين زوئها كتير راقي ..
- التفتت شعاع ع نور وقالت لها بدفا : حبيبي انتي خل تركيزج في كشختج مع مدام كارول و البنات و انا والشله بنختار التجهيزات !!!
- نور وهي مستحيه : اوك .. كانت مستغربه من قدرة شعاع ع التمثيل حتى على ربعها ... ومستغربه من الجدية اللي الكل يشتغل فيها ..
- مدام كارول لشعاع : ازا بدك . فينا ننفخ شفايفها ووشها شوي .. و نعمل حواجبها ...
- قاطعتها شعاع وهي تضحك وتلم ع نور من ورا : لا .. لا. دخيلك .. لا تغيرين فيها شي .. انا مو قاطع قلبي الا ويها ..
- التفتت نور عليها وهي تقولها برقة وبنظرة ساحرة : بس ويهي !!!
- طالعت شعاع بعيونها وقربت خشمها تحركه على خشمها ويها وهي تقولها : كل شي فيج !!
- سمعوا تصفير من ربعها وسام تعلق : خف ع البنيه حرام عليك !!!


انضمت نور للبنات اللي يعرضون عليها صور شنط ماركات و اكسسوارات وميك اب .. واحذية وازياء لماركات اول مره تسمع فيهم .. وهما يسالونها عنها متوقعين انها تعرفها مادروا انها حدها الماركات اللي في فيلاجيو ..
كانت تطالع شعاع وهي مندمجة تختار طاولات حلوة للحفل وتتناقش مع ربعها وهم يدخنون ..
همست لها فرح : تستاهلين جائزة نوبل اللي قدرتي عليها !!
التفتت نور عليها وهي مستغربة .. فعلقت هديل : ولا عمري تخيلت شين تشبك .. لا وتخطب بعد .. انتي اكيد ضيعتي عقلها ..
رانيا وهي تبتسم باغراء : احين كلنا نقدر نشبك مالها لسان ..
ريمان : بس احنا عمرنا ماشفناكم مع بعض ... متى لحقتوا تحبون بعض ولا تشبكون عشان تخطبون !!!
انقذتها مدام كارول من هالسؤال وهي تقول : شو رأيك تشوفي هالفستاين كلها ماراكات عالمية .. وتختاري فستان لا إلك للحفلة ..
وقاموا المندوبين يعرضون الفساتين .. وهي متردده وساكته بس الرفض كان من البنات اللي ماعجبهم شي مع ان كل الفساتين عجبت نور ..
رانيا : لا .. لا .. مدام كارول شنو هااي .. من صجج والله يلعن خيرج شين .. تعرفين ذوقه صعب .. وبعدين كل هالفساتين قديمة نازله صار لها شهر !!! نبي شي يديد .. يليق بمستواها ..
- كارول بتعب : خلاص ..اتفرجي على الكتالوج باخر فساتين vera wang وراح جيبها من باريس ...
- فرح : بس حطي بالج ما باقي الا ثلاث ايام ..
- كارول : ربك بيسهل ..
نور تعبت من الاختيارات .. وتعبت من هاعالم اللي عايشينه بذخ مو طبيعي .. حست انها ماتنتمي لهم ..ولا قادرة تندمج معاهم .. ويمكن لو مو حبيبة شعاع ولا وحده منهم بترضى تكلمها او ترافجها .. تذكرت ربعها حصة ومنى وعبطهم مع بعض .. حتى لما كانوا يوصون بعض على بعض المواقع لاالكترونية اللي تبيع التقليد طبق الاصل .. ويتبادلون الاغراض .. ومايعرفون هالموديل جديد ولا صار له سنه .. يالله شنو الموضوع المشترك اللي ممكن يكون بيني وبينهم .. ويدتي شلون ممكن ادخل كل هالاشياء البيت بدون ماتلاحظ ..
انتبهت شعاع لنور ... فتركت اللي بيدها .. وجات وقعدت احذا نور .. اللي حسست بدفا شخص تعرفه وعرفت عطرها قبل ماتلفت .. لفت شعاع ايدها ع كتف نور وهي تقول لهم : شسويتوا فيها !!! ليش جي تعابنه !!!
ابتسمت لها نور وهي تحط راسها ع كتف شعاع ...
وقفت ريمان وقالت : كلنا تعبنا .. خلونا ننبسط شوي .. ترى ماحتفلنا بشين ونور ..
قام ام جي وشغل اغاني ..فملت الغرفة بمكبرات الصوت اللي فيها .. وقام الكل يرقص ويتستعبط ..
غيروا الاغنية وحطوا دقني .. فقاموا البنات يستعرضون مواهبهم .. حتى كارول رقصت بشكل خطير .. ارتفع ضغط نور وهي تشوف نظرات شعاع اللي بتاكلهم وهم يرقصون .. واندماجها الكلي معاهم وتعليقاتها .. همست حق شعاع : ابي ارقص !!! التفتت عليها شعاع وهزت راسها وهي تحرك شفايفها بس وتقول : لا
فهمست باذنها مره ثانيه : بليز والله خبره انا في دقني .. بطقع لهم كلهم ...
التفتت شعاع عليها وهي رافعه حاجب وقالت لها : ارقصي عشان العن خيرج !!!
وانقهرت حدها وهي تشوف كارول تقرب من شعاع وترقص لها باثارة .. فعصبت حدها والتفتت ع جنب وهي تاخذ نفس عميق .. قربت كارول من شعاع وهي ترقص باغراء وشعاع تمد يدها وتمسكها .. ماعاد تقدر تتحمل .. حست الدم يفور في جسمها .. وقفت بعصبية وصرخت عليهم : ويهد انتي وياها !!! مو ماليه عينج انا يا كارول !!!



وسوري لاني ماااراح اقدر اكملها صااحب الموضوع شكله حذف نص الموضوع يعني مااضن لها تكمله Crying or Very sad Crying or Very sad Crying or Very sad Crying or Very sad Crying or Very sad Crying or Very sad
الرجوع الى أعلى الصفحة اذهب الى الأسفل
http://A7laGirls.ahlamontada.biz
to0oty99




المساهمات : 6
تاريخ التسجيل : 18/01/2012

رواية-لو يموت الشوق-قصه حب عنيفه وجريئه بين ينوته وبويه-الجزءالرابع Empty
مُساهمةموضوع: رد: رواية-لو يموت الشوق-قصه حب عنيفه وجريئه بين ينوته وبويه-الجزءالرابع   رواية-لو يموت الشوق-قصه حب عنيفه وجريئه بين ينوته وبويه-الجزءالرابع Emptyالجمعة يناير 20, 2012 7:38 am

نعم شتقوليين يو وصلنا النهايه تقولييين مافي تكمله Crying or Very sad Crying or Very sad Crying or Very sad Crying or Very sad انا اموووت يعني ماافي تكمله Crying or Very sad Crying or Very sad انا متاابع كل جديد هاذا المنتدى لانه احسن منتدى وماافي شي مقطع تجين تقولين كيذا Crying or Very sad يا خسارة
الرجوع الى أعلى الصفحة اذهب الى الأسفل
Bnt_Na9r
Admin
Bnt_Na9r


المساهمات : 83
تاريخ التسجيل : 18/01/2012
العمر : 30
الموقع : Д7ĻÃ ğĺяĿŝ

رواية-لو يموت الشوق-قصه حب عنيفه وجريئه بين ينوته وبويه-الجزءالرابع Empty
مُساهمةموضوع: رد: رواية-لو يموت الشوق-قصه حب عنيفه وجريئه بين ينوته وبويه-الجزءالرابع   رواية-لو يموت الشوق-قصه حب عنيفه وجريئه بين ينوته وبويه-الجزءالرابع Emptyالجمعة يناير 20, 2012 7:44 am

to0oty99 كتب:
نعم شتقوليين يو وصلنا النهايه تقولييين مافي تكمله Crying or Very sad Crying or Very sad Crying or Very sad Crying or Very sad انا اموووت يعني ماافي تكمله Crying or Very sad Crying or Very sad انا متاابع كل جديد هاذا المنتدى لانه احسن منتدى وماافي شي مقطع تجين تقولين كيذا Crying or Very sad يا خسارة

والله يااخوي هذا الي طلع بيديني شسوي اكثر من كذا
الرجوع الى أعلى الصفحة اذهب الى الأسفل
http://A7laGirls.ahlamontada.biz
 
رواية-لو يموت الشوق-قصه حب عنيفه وجريئه بين ينوته وبويه-الجزءالرابع
الرجوع الى أعلى الصفحة 
صفحة 1 من اصل 1
 مواضيع مماثلة
-
» رواية-لو على رقبتي-قصه حب عنيفه وجريئه بين ينوته وبويه-الجزء الاول
» رواية-لو على رقبتي-قصه حب عنيفه وجريئه بين ينوته وبويه-الجزء الثاني
» رواية-لو على رقبتي-قصه حب عنيفه وجريئه بين ينوته وبويه-الجزء الثالث
» رواية-لو يموت الشوق-الجزء الخامس
» رواية-لو يموت الشوق-الجزء الاول و الثاني

صلاحيات هذا المنتدى:لاتستطيع الرد على المواضيع في هذا المنتدى
ااحلا االبنااات-A7la Girls :: A7laGirls-العام-
انتقل الى: