خافت عصافير المعاني.. وطارت
وتناثرت صحفي.. صحيفه.. صحيفه .
. من يعذل عزوم القصايد لا خارت
هذي لطيفه!.. من يوصّف لطيفه؟ .
. في كنهها عقول الزحازيح حارت
عادت عقب ماهي ثقيله.. خفيفه .
. تقول كنّ الكون يوم استدارت
متقاسمٍ معها الحسن بالنصيفه .
. تنافس ازهار الحدايق لا سارت
والا حكت.. جابت علومٍ طريفه .
. والشمس لا شافت بهاها.. توارت
توجس من صدود المخاليق خيفه .
. من خصرها.. ترفات الاغصان غارت
ومن شعرها.. حال الليالي كسيفه .
. ومن طهرها.. بيض النجوم استنارت
فعلا ليا قالوا: عفيفه.. عفيفه .
. أبوها سمّاها لطيفه.. وصارت
مثل ما سمّاها أبوها.. لطيفه!! .